يا خسارة يا اجمل منتدي

فعلا يا خسارة يا اجمل منتدي

عشت فيك احلي ايام

عرفت فيك اجمل اصحاب واخوات واحباب

وفجأة كله ضاع

انا كنت بمر بظروف صعبة ربنا يعلم بيها

واول ما رجعت بفتح المنتدي لقيت منظر وحش اوي

المنتدي مهجوووووووووووور

فين لمة زمان0000 فين احلي ايام00000 فين لما كانت ناس بتكتب وناس بترد وناس بتدردش ع الشات والمنتدي كلة مليان

صدقوني بمر في اقسام المنتدي وبتخيل اني بمر في البيت الكبير اللي كنت بشوفة مليان كل دور اطلعله الاقي ناس موجوده وناس بتدردش وناس بتناقش وناس بتضحك

ودلوقتي بلاقي البيت ده مهجور والكراسي فاضيه ومرميه ومكسرة والغبار بيغطي المكان

ومع دلك لسه وداني سامعه الضحك والكلام والدوشة بتعت زمان رغم ان البيت قدامي فاضي

بجد كانت احلي ايام لما اسسنا المنتدي دة واتعرفنا علي اجمل ناس

برضو ربنا قادر يجمعنا تاني زي الاول

المنتدى بخير يا ميدو
احنا كنا فى التحرير بنشارك فى الثورة
ثورة التغيير
وادينا اهه راجعين
هنشيل الغبار وننظم كل شىء نرجع البهجه والعيله
لان هو دا البيت اللى عرفنا بعض فيه وانا بجد عرفتكم وحبيتكم قوى من كل قلبى
وفخورة بيكم قوى لأنكم فعلا من الشباب المحترم اللى يشرف وينور اى مكان تتواجدوا فيه
لان كل طوبه اتحطت فى المنتدى ده ليها مذاق خاص لاننا تعبنا فيه
وبيكم يا احلى شباب هنرجع الاسره بكل رحها وجوها الدافى المليان بالحب والمرح
ويارب داما اشوفكم منورين اشوف كل واحد فيكم شمعه منورة فى كل مكان
ربنا يحرسكم ويحميكم ويحمى منتدانا ويحصنه ببركة صلوات حبيبنا وقديسننا
قديس العصر قداسة البابا شنوده

ياااااااااااااااااااه

وحشتنى يا اجمل و احلى منتدى

هالوووو