أيهما أصعب خيانه الحبيب أو خيانه الصديق

زائر

الصداقة او الصديق
- إن الصداقة من أثمن العلاقات وأعمقها، بل هي حلقة الوصل في جميع علاقاتنا مع من حولنا.
فالصداقة في معناها الحقيقي القرب لا البعد، الحب لا الكراهية، الصدق لا النفاق. فهذه هي علامات الصداقة إذا ظهرت عليك أو علي شخص تعتمد عليه وتحس أنك قريب منه ستكون صديق وفي بجد:
- الصديق الحقيقي هو الذي لا يجامل أو أن تنتهي علاقته معك لمجرد اختلاف في وجهات النظر أو جدال.

- الصديق الحقيقي هو الذي يمكنك أن تبكي أمامه، وتتبلل كتفاه من دموعك.

- الصديق الحقيقي هو الذي يقدم حلولاً ً لمشاكلك، لا التحدث فيها وإثارتها.

- الصديق الحقيقي هو الذي يساعدك في كل موقف عندما تكون سعيداً أو حزيناً ولا يكتفي بموقف المتفرج.

اما الحب او الحبيب

الحبيب
ذلك الشخص الذي تكون بالنسبة له الفرق ما بين الحياة والموت
ويتقبلك كما انت
يرى اسوء عيوبك اجملها لديه ./
ذلك الشخص الذي يشعر انه ليس بهذا الكون سواك
انت هو و هو انت
قلب واحد ...ذات واحده
و الحب رمز
للإخلاص و الوفاء
التضحية و العهد والوعد ......

فأيهما بنظرك اصعب علينا خيانته لنا؟

الموضوع جميل اوي بجد
اولا يامينا مفيش حد فينا بيحب الخيانة لا يتخان ولا يخون لان الفكرة اسااسا مش محبوبه
لو
كانت خيانة صديق انا مقدرش اقولك انة هيخونك مثلا مع واحد صحبك تاني
الصديق مهما عمل ممكن يغير منك يكدب عليك يعمل موقف مش تمام كدة وبيعدي
لكن خيانة بمعني اية انك بتحبة سنين وبيحبك ومع بعض في الحلو والمر هيخون
لا مفيش معني للخيانة عند الصديق هو ممكن يعمل موقف ندل ممكن يبيعك مرة
ويندم وزي مابقولك موقف كدبة وهكذا وبتعدي وبترجع الايام الحلوة تاني
وصديقك بتعرفة زي مابيقولو في وقت الشدة الوقت اللي انت تحتاجة فيه بس في
صديق يحب يكون هو الافضل من صديقة وفي صديق يحب الخير لصحبة اكتر ودايما
جنبة في حلو وومر لكن انا عن نفسي مسمعتش عن خيانة الاصحاب وياريت توضحلي
معني خيانة الصديق لو مكنتش انا قولتها في المواقف ...

اما
بقي لو جينا لخيانة الحبيب ودي بقي اصعب حاجة تقدر تحسها في الخيانة لما
تلاقي نفسك بتحب في حد ميستاهلش وبتدي لحد مش بيحبك او بيوهمك بحبه ليك
تخيل لما بيضحك عليك في كم جنية قدام اي محل بتشتري منة بتبقي مضايق ازاي
امال لو اضحك عليك في حب سنين ويطلع الحب كلة كدبة عيشك هو فيها وانت
صدقتها غصب عنك بتحب بتثق فيه وفجااة تطلع من الكدبة انك بيضحك عليك في حب
عمرك ماكنت تتوقع منة كدة بتتصدم طبعا لانك بتشوف اللي بتحبه دا بيحب حد
تاني او يمكن بيوهم حد تاني في نفس الوقت اللي بيوهمك بحبه ليك الخاين
نفسة مبيقتنعش باللي هو بيعملة الا لما يضيع منة كل اللي في ايده والحقيقة
تظهر لكن بيبقي شايف نفسة محبوب ساعات ضميرة بيانبه بس بيدوس عليه ويبرر
لنفسة بس في يوم بيحس وزي مابيقولك بينزل عليه غضب ربنا انا عاوز اقولك
اني شوفت بالادلة ناس لحد انهردة مش عارفة تعيش حياتها وربنا مش مبارك في
اي شئ ليهم عشان الخيانة برضو الخاين يبقي صعب عليه لما يشوف نفسة انكشف
والحقيقة ظهرت والناس بعدت عنة الخيانة مش حاجة محبوبة زي ماقولتك اصعب من
الغرور ومفيش حد هيفكر يرتبط بحد خان حد قبل كدة انت عارف ان الطرف اللي
بيتخان بيدي اعزار للي بيخونة اكتر من مرة وبيحلل غلطه ويبرره واكيد هيكون
اصعب احساس لانك بتحط املك ومستقبلك ماضيك وحاضرك وبترتب كل شئ علي حساب
الطرف التاني اللي معاك مش هتلاقي في الدنيا اصعب من الخيانة بين الحبيبين
او الزوجين انت لو ضاعت منك فلوس مش هتزعل عليها لو خسرت شئ مش هتزعل عليه
بس لما تبقي بتعز حد وبتحبة انت بتضحي عشان حبيبك باي شئ وبتقول دا مش
كفاية عليه وفجاة تلاقي نفسك حبك دا غلطة انت غلطتها
في ناس كتير مستقبلها بيدمر من الخيانة في ناس كتير بتكمل وبتعدي وبتحاول
تاني وفي ناس وفي ناس بس انا نفسي اقول لكل واحد بيحب يحب حبيبه بجد ويفكر
دايما عامل الناس كما ان يحبو ان يعاملوك وبالاخص حبيبك واعز الناس ليك
ومتفكرش لحظة ان المجاملات اللي بتاخدها من الناس ممكن تكون اغلي من كلمة
بحبك من حبيبك اللي بتحبة حتي لو اتقالك بحبك من غيرة
واللي في طبع عمرة مايغيريه يعني الخاين هيفضل خاين واللي بيحب بجد هيفضل يحب بجد

سامحني لو طولت عليك تقبل مروري

زائر

مرسى على الردود الحلوة تامر

على فكره الموضوع جامد جدا يا مينا
الصديق ممكن يخون صديقه على فكره بأنه ممكن يخلف وعده ده تعتبر خيانه للعهد
وحاجات تانى كتير
بس انا من رأيى ان الصديق مهما وصلت درجه غلاوته مستحيل يوصل لدرجه غلاوه الحبيب
بجد انت لما تتصدم فى اى حد من اصدقائك حتى لو كان اعز صديق ليك
مش هتبقى زى الصدمه اللى تتصدمها فى الحبيب
الموضوع مختلف تمام
دى وجهه نظرى ممكن تكون صح وممكن تكون غلط
بس انا احب انى اعرف اراء باقى الاعضاء
تقبل مرورى

زائر

مرسى على مرورك الجميل

وهو دة نفس رايى واحنا مستنيين الاراء