موافق علي الجواز ولا لا

فيه ناس كتير تقولها عقبالك
تقولك لا انا مش هتجوز
انا مش عايز اتجوز
او انا مش عايزة اتجوز

هي ناقصة خنقة وجواز
المبررات بتكون للشاب اللي بيقول كده
او رافض انه يتجوز او بيقول انه مش هيتجوز
يقولك انا هتجوز ليه
واشيل مسئولية بيت
وعيال والمدام ومصاريفها
وتقولي انت رايح فين وجاي منين
وما انزلش مع صحابي علي القهوة
وودي البنت للدكتور
واوديها عند حماتها وارجع اخدها
ما انا عايش كده مزبط حياتي
مروق دماغي
مقضيها بالطول وبالعرض
ومحدش ليه عندي حاجة
انزل وقت ما انزل ارجع وقت ما ارجع
مش مرتبط بحد
تكفل بنفسي وبس
مفيش مسئولية

والبنت تقولك انا مش عايزة اتجوز

انا اتجوز ليه اقعد علشان اطباق وحلل
واخلف واتخن وانا عاوزة احافظ
علي جسمي وما اتخنش ووزني ما يزيدش
وواحد راجل يقعد يتحكم فيا
ويقولي ما تلبسيش كذا وتلبسي كذا
واقعد انا اربي العيال
والبسهم واقلعهم واعلمهم
واذاكر لهم
واطبخ وابهدل نفسي
طيب وعلي ايه كل ده
ما انا في بيتنا مزاجي زي الفل
كل حاجة بتتعمل ليا ماليش دعوة بحاجة

ايه رايك في اسباب عدم الجواز بالنسبة للولد او البنت ؟

شايف ان الكلام ده اللي الناس بتقوله كلام وخلاص لكن كله بيتجوز وعادي
؟
انت او انتي قولتوا قبل كده انا مش عايز اتجوز ؟كان لنفس الاسباب ولا اسباب تانية ؟

شوف ياتامر الجواز سر مقدس زى ما احنا عرفين
والى بيقول كدة هيعنس زى ما احنا عرفين
اما الى بيقول كدة دة مش عايز يتعب فى حياتة زى ما احنا عرفين
وان ممكن الشخص عايز يبقى بتول ودى طبعا حاجة تانية زى ما احنا عرفين وانا شايف ان الجواز فى الزمن دة مهم زى ما احنا عرفين يعنى من الاخر
ان الموضوع هيرسى على جواز زى ما احنا عرفين وميرسى تامر موضوع جميل للنقاش

عندك حق الجواز خيبه

الجواز مش خيبه ده سر مقدس
واسباب البنت او الولد هنا كلها تافهه
ثانيا ممكن السبب حاليا بيكون عندى هو لسه بدرى

الشخص اللي بيقول انا مش عايز اتجوز

للاسباب اللي وضحتها دي يا تامر دي ماليهاش غير معني واحد انه الولد او البنت مش قادرين علي تحمل المسؤليه

ودي بتتوقف علي الشخصيه ان كانت شخصيه مكافحه او شخصيه كسوله طبعا الشخصيه الكسوله بتشوف انه اسهل حاجه عندها كلمة فوكك ياعم احنا ناقصين وجع دماغ

لكن الشخصيه المكافحه بتشوف مستقبلها في مستقبل ابنائها عايزة تتجوز وتكافح في الحياة ويبقلها عيله وكده

وعلي فكره انا كنت عايز اوضح نقطه بس
عمره ما كان الجواز امتلاك احد الاطراف للطرف الاخر الجواز تفااااااااااااهم
يعني بردو دي يمكن من ضمن الاسباب اللي بتخلي الواحد يبعد شويه عن الجواز
بس الطرفين لو متفاهمين هتلبس وتخرج وتعمل اللي هي عايزاه وكذلك الحال بالنسبه للولد

وادعولنا ربنا يقرب البعيد
ههههههههههههههههههههههههههههه

ميرسي تامر عالموضوع التحفه ده

حلوه ربنا يقرب البعيد دى
ههههههههههههههههههه

اولا ده موضوع رائع بجد

ثانيا الاسباب دى غير منطقيه
يعنى انا عن نفسى لو حد قالى عقبالك بقوله لا
بس مش علشان الاسباب دى
لكن لما اخلص كليه واشتغل
وكمان اكون كبرت كدا وقدرت اتحمل المسئوليه صح
مش للاسباب دى

وبعدين معظم البنات بتحب تحس ان فى حد خايف عليها
يقولها اعملى كدا او خلى بالك من كدامش تحكم منه لكن علشان هو خايف عليها
لكن فى النهايه بيبقى قرارها هى

اما بقى الشباب ممكن يكون دى حججهم
بس دى حجج ظاهريه
لكن الحقيقه انه لسه مش لقى البنت اللى يحبها ويرتبط بيها
او تكون قدراته الماديه ضعيفه شويه
فبيقول الحجج دى كدا

صح يارينا
وخصوصا فى حته اى بنت مش بتكره التحكم دى بتفرح لما تلاقى حد بيخاف عليها وعايزها تعمل كذا او كذا
بس يكون فى حدود الارشاد مش الامر
وفعلا كلها حجج تافهه
وربنا يقربلك البعيد يا ميزو

ميرسي منووووووووووووو

شكرا علي متابعتكم الجميلة ارائكم عجبتني كتير