الموعد الاول

آنستي العزيزة


لو ربنا فك عقدتك وانخطبتي.. فإليكي هذه النصائح حتى تأخذي بخطيبك من مركب الخطوبة

إلى ماحدا بيعرف راح ترسى على شو!!!! إلى مثواه الأخير في

قفص الزوجية السعيد

أجمل ما في الخطوبة العزايم الرومانسية على أحلى محلات أكل في البلد واللي عمرك ماراح تشوفيها بعد الزواج .. المهم هذه النصائح لكي عند أي عزيمة مع "ختيبك"..... قلتلك ياها بنعومة

1. الأول لازم تعرفي إن الشوكة والسكينة بينمسكوا من إيديهم من الطرف يعني مش من الوسط ولا من البوز متل الخنجر ولا من فوق طبعًا

2. الخبز .. أوعي تفضحينا وتقطعيه بسنانك ولا الرغيف نصين بأيدك وكل نص لقمة وعلى دحش أوعى .. الخبز بيتقطع بالسكينة بالصحن.. وبعدين بتاخدي لقمة.. لقمة.. بالزور قال يعني نفسك مسدودة .. اضغطي على أعصابك جدااا وبعدين لما تروَّحي.. إبقي حِشّي متل ما بدك....

3. الشوووربة ببوس ايدك.. بند الشوربة مهم جدًا.. الشوربة بتنشرب من غير صوت أبداً.. ومن غير ماتقعدي تنفخي فيها.. متل صبي النارة تبع الأركيلة اللي بينفخ في الفحم للزبون.. وطبعًا بدي ياكي تنسى تمامًا الطاسة اللي بتحطيها على تمك في البيت وتشرشري على حالك..

بالمعلقه وبدون صوت.. سخنة .. نار .. كمان بدون صوت.. وبتتركي تلت الطبق ع الأقل.. مش تميليه.. منشان تلهطيها لآخر نقطة..

4. الرز طبعاً بيتاكل بالشوكة أوعي إيدك تنمد ع المعلقة.. وتغرفي من طبق الرز وتعبّي.. إوعى.. الرز بالشوكة.. وكأنك بتبوسيه .. مش بتاكليه..

5. المعكرونة.. الاسباغيتي كمان بالشوكة.. بتنلف على طرف الشوكة.. لحد ما تخلص وبعدين تحطيها في تمك عالسكت.. مش تظلي تشفطي عود المعكرونة وهو يروح يمين وشمال .. متل النوَر

6. السمك مشكلة.. شوفي.. بتفصلي اللحم عن الشوك. كيف..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. ما تقلبي السمكة.. بلا فضايح .. شيلي السلسلة بالشوكة والسكينة وحطيها جنب الصحن وكملي أكل النص التاني.. وبدال هالفيلم الهندي .. نصيحة.. ما تاكلي السمك أبداً.. قولي مابحب السمك وخلصي حالك..

7. القريدس -إذا كنتي بتعرفيه-.. أول ماطبق القريدس بينزل.. اطلعي عليه بقرف واحتقار شديدين.. قال يعني قرفانة من كتر أكل القريدس في بيت أبوكي .. واتنهدي بقوة وقولي.. كمااااان..؟؟؟ وبتروحي قاطعة راس القريدس بالشوكة.. أنا في عرضك .

8. البطاطا سواء مسلوقة أو مقلية أوعي تهرسيها وترميها ع الرز ..... لا..لآ...لآ... بالشوكة قطعة قطعة متل ما تكوني راح تبكي من كتر ما البطاطا صعبانة عليكي..

9. الفاكهة.. لو الفاكهة فيها بذر طلعيه من تمك على مهل وحطيه في إيدك وهي مسكرة وبعدين في طفاية السجاير اللي على الطاولة.. أوعي ياحبيبتي من نظام التفتفة للبذر.. إنسي....

10. ولما تخلصي أكل .. بتحطي إيدك على بطنك -اللي عصافيرها عمتزقزق من العيّنات والنماذج اللي أكلتيها-.. وتقولي له مش معقول.. أنا عمري ما اكلت هيك.. أنا قدامي أسبوع.. ما راح آكل فيه.....

وبعدين تمسكي الفوطة اللي دايمًا موجودة ع الطاولة من غير لزوم.. وتبوسيها.. قال يعني بتمسحي تمك..

وبعدين تستأذني منه لدخول التواليت لإصلاح ماكياجك وبتدخلي التواليت وبتطلعي من الشنطة تبعيتك.. سندويشة الفلافل اللي جايبتيها معك وبالهنا والشفااااااااااااا






التوقيع:
الكلمة الطيبة من القلب قريبة..بتكون أجمل هدية لقلوب متعذبة

انا لما ربنا يكرمنى واتخطب مش هخروج ولا هاكل علشان العذاب ده
ماله اكل البيت
لا ماله الرجيم احلى حاجه الرجيم بلاش اكل خالص
وبلاش مكياج على رائ مورا علشان مايتصدمش
هههههههههههههههههه

ميرسي لمروركم

شكرا علي الموضوع الحلو يا كوكتي هههههههههههههههه

العفو يابارد هههههههههههههه