سؤال وعايزة اجابة

سؤال عن يهوذا

لية السيد المسيح اختار يهوذا بالذات علشان يسلمة

ولية اصلا حد يسلمة

هما مش كانوا عارفينة

ولية يختار حد من تلاميذة

ولو كان علشان تتحقق النبوات لية اصلا من الاول

اتمني تكونوا فهمتوة سؤالي

سلام ونعمه
انا فاهم سؤالك كويس
بس انا حابب اوضحلك بعض الاشياء اولا الانسان في البدايه خالص مكنش بيموت يعني ربنا خلق ادم وقاله تاكل من جميع الشجر ولكن الا الشجره دي ولو اكلت منها هتموت فلما اكل ادم من الشجره مكنش ينفع ربنا يعمل حاجتين:
1- انه يموت ادم ويسيبه يموت طيب مكنش خلقه من الاول ونسل الانسان كان انتهي
2-انه ربنا يرجع في كلامه يعني ربنا كان قادر يسامح ادم ولكن ربنا ماينفعش يرجع في كلامه
فعلشان ربنا بيحب الانسان وفضله عن كل الخليقه عمل خطة الفداء

خطة الفداء دي كان فيها عارف انه لازم ينزل ويتجسد من السيده العذراء لآنه ربنا بلاهوته مكنش هينفع هيتعامل مع الانسان فهو كان حاتت خطة الصلب ومن ضمن الاشياء كان عارف انه يهوذا هيخونه كان هو عارف بس مش هو اللي اختار يهوذا انه يخونه لآنه المسيح كأله كان ليه سلطه علي كل حاجه في الطبيعه ده حتي عرف انه اليهود بيفكروا في ايه؟
يعني عرف افكار اليهود
فهو كان عارف ولكن مش اجبر يهوذا علي الخيانه ولذلك بعد ما خلصت كل حاجه في خطة الفداء قال علي الصليب
قد اكمل
يعني خلاص مافيش حاجه تاني هتتعمل

ده توضيح في ظل معلوماتي الضعيفه جدا ولكن يارب اكون جاوبت علي قدر من سؤالك

زائر

كسر الوصية لا يختلف كثيرا عن الخيانة
فمثلا كيفما دخلت الخطيه عن طريق خشبه
كذلك لابد ان تخرج عن طريق الخشبة
وهكذا

مشرفه عدد الرسائل : 1111 تاريخ التسجيل : 08/10/2008

برافو ياادمن انا معاك فى الرد

وانا احب اضيف حاجه صغيره

بالنسبه للنقطه اللي بنتسأل فيها الاخت صخرة الايمان ((ليه ربنا اختار يهوذا بالذات علشان يسلمه؟؟))

انا كنت سالت السؤال ده قبل كده في نفسي لكن بعدها عرفت اجابه بسيطه

اولا الانسان مخير وليس مسير بمعني ان كلمه اختار هنا مش معناها جعل او سلط

بمعني ان يهوذا سلم المسيح بكامل اردادته
طيب ليه يهوذا بالذات؟؟؟

لان ربنا بيوظف الانسان البار في اتمام مشيئة الخير والانسان الشرير في اتمام مشيئة الشر
فربنا كان عارف ان احد تلاميذه هيسلموه فاستخدم( وليس اجبر او ارغم) يهوذا في هذا الفعل

يعني هو اختاره ليقوم بهذا الفعل لان يهوذا انسان شرير فاستخدمه في اتمام مشيئة الشر

وبكده دي اجابة النقطه الاولي من السؤال وهي ليه اختار يهوذا يسلمه

النقطه التانيه وهي ليه اصلا حد يسلمه؟؟

علشان يتمم المكتوب في النبوات وعلشان يقوم بالعمليه اللي هو جاي اصلا علشانها وهي الصلب ومن ثم الفداء

والنقطه التالته ليه حد من تلاميذه؟؟

بصراحه دي مش اعرف احكي فيها لاني مش عارفها وياريت اشوف اجابتها

واخيرا ولو كان علشان يحقق النبوات ليه اصلا من الاول؟؟؟

برضو علشان نفس السبب لان ادم كان مخير في اعماله واكل من شجرة الخير والشر بكامل حريته ولذلك استوجب الموت فكان لازم عمليه صلب وفداء
هتقولولي طيب ليه من الاول ربنا جعل ادم ياكل من الشجره ما كان منعه وبالتالي مكانش فيه خيانه يهوذا وتسليم المسيح وصلبه وعمليه فداء اصلا

كل ده تم لان ادم كان مخير واكل من الشجرة واستوجب الموت وهو اللي خلي كل القصه دي تتعمل

معلش طولت عليكم

بجد انا استفدت من اجابتكم دي وعرفت الاجابة

ميرسي اوووووووووووي ليكم جميعا

يارب تكوني وصلتي للي عايزاه يا صخره

ويارب نكون افدناكي باي معلومه ولو بسيطه

سؤالك فعلا حلو وناس كتير بتسال في الموضوع ده

ربنا ينورنا ويعرفنا احكامه

سلااااااااااااااااام

زائر

اعرفت ياصخره ان يهوذا سلم المسيح مع انه يعرف انه هو المخلص
ولكن السبب فى تسليمه هو انه عندما يهين الرومان المسيح
يغضب هو فيبيدهم وبذالك يخلص اليهود من الرومان
وفكر فى ذلك لانه كان متعلم جدا

مشرفه عدد الرسائل : 484 تاريخ التسجيل : 29/09/2008

انا عاوزة اقول حاجة بس ان يهوذا كان انسان شرير بطبيعته وهو كان هيعمل كدة مع السيد المسيح او غيره علشان يلاقي فلوس
بس السؤال هنا ليه السيد المسيح اختاره مع تلاميذه وده علشان يقولنا اني جيت علشان الخاطي والكويس وهحاول اصلح الكل وهقدم الخلاص وهحاول معاكم لاخر لحظة بس لللاف ان يهوذا كان الشيطان عامي عينيه عن النور تماما......

معلش ممكن اوضح حاجة علي أد معلوماتي الضعيفة :
اولا :انه النبوة معناها التنبأ بمواقف واحداث تتحقق في المستقبل (دي انتوا عارفينها )

لذلك كل ما يحدث في المستقبل ليس بسبب النبوات انما هو تأكيد ليها وانه النبوة
ليس لها تأثير علي تغيير مسار الاحداث (فيه ناس مش واخده بالها من الموضوع [/size]ده )

[size=18]ثانيا : انا مع المهندس مدحت في كل كلامه لذلك مش هكرر الكلام

ثالثا : سؤال " ليه حد من تلاميذه يسلمه ؟؟"
ده لانه الانسان مخير وله كامل الارادة سواء كان تلميذ او معلم وان ارادة الله

ان الجميع يخلصون والي معرفة الحق يقبلون ، ولذلك حرص الله علي تحذير يهوذا
في مواقف عديدة حتي يرجع عن خطيته وكان الله يستطيع ان يدبر قصة اخري للخلاص
ولو ان يهوذا تاب عن خطيته لغفرت له حتي وبعد ان سلم السيد المسيح له المجد
وحينها لما اتت نبوات عن خيانة يهوذا في العهد القديم ..

ميرسي اوي ياجماعة علي معلوماتكم دي