اوعي يفوتك هاتندم

ازيكم ياجماعة وحشتوني والمنتدي وحشني اوي ياريت تكونوا فاكرني انا النهاردة جبتلكم حاجة ياريت تعجبكم وهي عبارة عن كام سؤال والاسئلة هي 1- حاسس باية دلوقتي حالا 2- قبل ما تدخل التوبيك دة كنت بتعمل اية 3- بعد خمس سنين من النهاردة شايف نفسك ازاي وفين 4- اخر مرة ابتسمت فيها من قلبك كانت امتي 5- اخر مرة عيطت فيها كانت امتي 6- اية اكتر حاجة وحشاك وعايزها تبقي موجودة قدامك حالا 7- لو عايز تقول حاجة قووووووووووووووووول المجال مفتوح 8- حط سؤال اللي هيرد بعدك يجاوب علية بس تجاوبوا بصراحة والكل يشارك معانا

زائر

اوكى اسئلة حلوة بس بسلم الاول

1- حاسس انى مدنمتش لما اشتركت فى منتدى جميل زى دة
2- كنت بذاكر اول يوم ليا دراسة وخت 3 محاضرات ورجعت نمت وقمت علشان اذاكر
3- يارب كدة اكون باش مهندس كبير فى شركة محترمة واكون لقيت بنت الحلال
4-اخر مرة ممكن النهاردة الصبح فلى الكلية
5- يوم استشهاد شاب مسيحى عن طريق امين شرطة فى تته بلد جنب منوف قريبة مننا وعملنا مظاهرات وكدة
وفعلا عيت مع انى مش بعيط كتير بس الموقف نفسة

6- اكتر حاجة وحشانى ممكن يكن ساندوتش همبرجر ههههههههههه

لالالا ممكن يكون خالى علشان مسافر بقالة كتير ايطاليا
7- عايز اقول ان احنا فى فترة صوم جميل ومقدس ياريت كلنا نقرب لربنا بجد
8-السوال بقة يا ترى اية انطباعك عن المنايفة اللى زيى؟؟؟ وفسر اللى هتقولة

انطباعى عن المنايفه اللى زيك يا مينا
انا بصراحه مش اتعاملت مع حد من المنوفيه غيرك
بس ممكن يكونوا شايفين نفسهم شويه وممكن يكونوا طموحين

1- حاسس باية دلوقتي حالا ؟
حاسه انى مبسوطه جدا
2- قبل ما تدخل التوبيك دة كنت بتعمل ايه؟

كنت بشرب عصير

3- بعد خمس سنين من النهاردة شايف نفسك ازاي وفين ؟

بأذن ربنا شايفه نفسى محاسبه فى بنك

4- اخر مرة ابتسمت فيها من قلبك كانت امتي ؟

كانت امبارح اصلى كنت مبسوطه جدا

5-اخر مرة عيطت فيها كانت امتي ؟

لا مش فاكره اصل انا دموعى بعيده

6-اية اكتر حاجة وحشاك وعايزها تبقي موجودة قدامك حالا ؟
بنت خالتى اصلها فى امريكا وليا سنتين مشوفتهاش
7- عايزه اقول ان كل واحد جواه مواهب وطاقه كبيره لازم يستفيد منها بس بشرط يستفيد منها صح

8- سؤالى بقى

كيف تصبح انسانا عظيما؟؟؟؟؟؟؟؟

علفكره الموضوع جامد جدا
ميرسى يا صخره ويايرت مش تغيبى عننا تانى

ميرسي يامينا انت ورينا علي مروركم وان شاء اللة يارينا هاحاول استمر معاكم

كيف تصبح انسانا عظيما؟؟

انا من رأيي ان الانسان العظيم هو الانسان المحبوب من الجميع والكل بيكون مبسوط وهو معاه
ولذلك علشان اكون انسان عظيم لابد اني احب كل الناس واساعد كل الناس واجعل البسمه والفرحه في قلوب جميع الناس وده طبعا مش هيجي الا لو كانت علاقتي بربنا كويسه جدا

- حاسس باية دلوقتي حالا ؟
حاسس اني تعبان وعندي شويه ضيق

2- قبل ما تدخل التوبيك دة كنت بتعمل ايه؟
كنت فاتح موقع كورة وكنت بشوف الاخبار وكنت هقفله حالا واقوم انام بس قولت اطل طله ع المنتدي اشوف الاخبار

3- بعد خمس سنين من النهاردة شايف نفسك ازاي وفين ؟
شايف نفسي في الخارج ولو حتي دوله عربيه او خليجيه بشتغل شغلتي وواخد مركزي وماسك مواقع كبيره وهادي في مجالي وهو الهندسه المدنيه

4- اخر مرة ابتسمت فيها من قلبك كانت امتي ؟
انا ببتسم كتير لاني بحب المرح وبحب الجو الحلو رغم اني بكون اوقات كتيره متضايق
لكن اخر مره كانت من قلبي ممكن من 3ايام وانا مع واحد من اعز اصحابي وهو رامز ميزوووووووو

5-اخر مرة عيطت فيها كانت امتي ؟
انا من النوع اللي مش بيعيط كتير وده مش قسوة قلب لاء بالعكس بس ده لاني خجول وبتكسف اعيط قدام الناس يعني مسألة كسوف مش اكتر لكن اخر مره عيطت كانت السبت 13/2يوم وفاة خالتي وهي برضونفسها مرات عمي

6-اية اكتر حاجة وحشاك وعايزها تبقي موجودة قدامك حالا ؟
بتوحشني جدا الشله بتعتي وبحب اصحابي جدا وبحب اتلم معاهم ونقعد مع بعض لكن للاسف كلنا اتفرقنا حاليا اللي سافر دوله اجنبيه واللي الغردقه واللي دراسه واللي مش قادر اوصله عن طريق النت يعني كل واحد راح لحاله فنفسي بجد اتلم عليهم دلوقتي واقعد معاهم
7- عايز اقول اني نفسي اكون ناجح في عملي واخد مركزي محبوووووووووب من الجميع عايش في هدوء وبساطه وجو هادي

8- سؤالى بقى

انت شايف منتدانا ده بكل صراحه ايه؟؟ واعضاءة شايفهم اذاي؟ وبتدخل ليه المنتدي وهل فعلا بتستفيد منه؟؟؟؟؟

color=purple]]انا بصراحة منبهرة بالمنتدى خالص لانى اول مرة اشترك فى المنتديات اما عن اعضاءة انا لسة معرفتهمش قوى علشان اقول رايى بادخل المنتدى علشان اشارك ونفسى بجد يبقالى مشاركة فعالة فية وعن الاستفادة فانا باستفيد جدا جدا جدا منة[/size]
السؤال .....لية الناس دايما بتشوف سيئات غيرها ومبتشوفش الحاجات الحلوة اللى فيها ؟ وانت منهم بكل صراحة ولا لا؟ وبتستخدم الاسلوب دة بنسبة كام فى المية بالضبط؟(لو كنت بتستخدمة)

لان كل واحد سلبياته وراء ظهره مش شايفه لكن شايف سلبيات اللى قدامه
وهو ماشى وراء الشخص ده وبالتالى مش شايف اى حاجه من ايجابيات الشخص اللى قدامه
وفيه ناس كتير كده تحب تدور على نقط الضعف فى الناس وتحاول تظهرها لغيره مع ان ممكن السلبيات دى تكون موجوده عندهم
اما بالنسبه اذا كنت من هذا النوع من الناس ممكن مره فى المليون
يعنى انا مش منهم قوى لان الشخص اللطيف هو اللى يستر عيوب الناس
ويبحث عن النقط المضيئه فيهم لكى يمتدحهم عليها وياريت كل واحد عنده المشكله دى يحاول يتعلم من معاملات السيد المسيح مع الناس خلال فترة تجسده على الارض.
1- حاسس انى خايف لانى رايح التجنيد بكره
2- كنت بعمل كوباية شاى لـ بابا
3- ممكن اكون بشتغل فى احد الدول العربيه زى الكويت مثلاً
4- اخر مره عيطت فيها كانت من حوالى شهرين كان بابا تعبان ومضايق وانا مبحبش اشوفه كدا ابداً
5- اخر مره ضحكت كانت من عشر دقايق اصلى بحب اهزر واضحك كتير
6- اكتر حاجه واحشنى حاجات كتير بعض اصدقاء الجامعه أهلى المسافرين نفسى يرجعوا
7- نفسى اقول لكل واحد من اصدقائى انى بحبه بجد مش كلام او مجامله نفسى الناس كله تحب بعض بعيداً عن المجاملات والكلام الكذب
8- سؤالى هو لماذا يختفى الله فى ازمنة الضيق

انا هقول وجهه نظري البسيطه المتواضعه المختصره

ربنا مش بيختفي في اوقات الضيق مش هو برضوا اللي قال

(ادعوني في وقت الضيق انقذك فتمجدني )

مش ده كلامه ف الانجيل اللي يعتبر دستور الحياه بالنسبالنا

انا اعتقد انه مش بيختفي لان كل انسان في وقت الضيق بيحاول انه يتصرف من تلقاء نفسه

يعني بيحاول الاتكال علي ذراعه او ذراع بشر تاني غيره

مثلا لو واحد في مشكله اول حاجه هيفكر يعملها يشوف اي حد يحاول يتصرف او ينقذه من

المشكله دي (لسه مجاش دور ربنا ) وبعد ما يعرفش الشخص ده او حلوله تفشل

ممكن يلجأ لشخص غيره ( طيب فين ربنا من كل ده )

اعتقد اراده ربنا بتسمح لينا بالضيق علشان لكي ما نصرخ اليه بعد فشل كل المحاولات الارضيه

زي ما بتقول الايه ( انقذك فتمجدني )

واعرف ان ده عمل الله معايا وبالتالي في اي موقف تاني يبقي هو اللي في حياتي

في الاول والاخر مش معني كده ان كل المشاكل اللي بتقابلنا صعبه اووووي

بالعكس في مشاكل صغيره زي تذكير للرجوع لربنا وفي زلازل وبراكين بتحصل للواحد

وفي النهايه يا عم ريفووووووووو

دي وجهه نظررررررررررررررررررررررررررررررررررررررررررري

1- حاسس بأيه دلوقتي حالا؟

حاسس اني مضايق شويه

2-قبل ما تدخل التوبيك ده كنت بتعمل ايه ؟

كنت نايم لاني لسه صاحي

3-بعد خمس سنين من دلوقتي ؟

ان شاء الله في احد الدول العربيه ( تحديدا شركه بترول )

4-اخر مره ضحكت من قلبك كانت امتي ؟

كانت امبارح في الكنيسه مع اصدقائي ومنهم ناس هنا في المنتدي

5-اخر مره عيطت فيها كانت امتي ؟

مش فاكر بس مش لازم اعيط كل ما يكون في حاجه وحشه معايا احيانا بتصعب عليا نفسي

وبعيط واحيانا بفتكرمواقف كتير انا اتصرفت فيها غلط وبعيط برضوا

6- اية اكتر حاجة وحشاك وعايزها تبقي موجودة قدامك حالا ؟

كنت هقول اخويا اللي في الجيش والحمد لله بعد ما قريت التوبيك ده بالظبط هو جه اجازه

واكيد والدي برضوا .( بس منزلش اجازه ) ههههههههههههههههه

7- عايز اقول اني نفسي علاقتي بربنا تكون كويسه كما يليق بمسيحي واتمني اني اشتغل

بعد الجيش واكون شخصيه اجتماعيه كويسه ومحبوب من الناس

محدش يستغرب بس فكرت كتير اني اسأل وكل ما اجي اسأل الاقي نفسي اتراجع عن السؤال

مش عارف ليه

شكرا يا صخرة الايمان علي موضوعك الجميل ده وشكرا للاعضاء علي ارائكم الجميله

ميرسي اوي ياجماعة علي مشاركتكم

العفو العفو اي خدمه

ههههههههههههههههههههههه

دا اقل واجب

انا هجاوب على سوال كيرلس بالنسبة للاسئلة انة يوجد اسئلة كثيرة ومتنوعة
وانا زية مش لاقى اجابة للاسئلة اللى مش لاقيها
1- حاسس باية دلوقتي حالا ؟
حاسس بشوية ضيق وفرح
ضيق علشان النتيجة قربت
وفرح مش عارف لية
2- قبل ما تدخل التوبيك دة كنت بتعمل ايه؟

كنت على الياهو
3- بعد خمس سنين من النهاردة شايف نفسك ازاي وفين ؟
اشتغل فى اي مكان انا زهقت من النهاردة يمكن معيشش الخمس سنين اللى انتو بتحكوا عليهم
4- اخر مرة ابتسمت فيها من قلبك كانت امتي ؟

بصراحة انا مش فاكر
5-اخر مرة عيطت فيها كانت امتي ؟
بصراحة فاكر بس مش عارف امتى
6-اية اكتر حاجة وحشاك وعايزها تبقي موجودة قدامك حالا ؟
بصراحة اصدقائى اللى بعدو عنى واللى كانوا معايا وخلصوا
يجماعة عايزين نشوف سونسون ورامز هم وحشونا كتير اوى والسوال هووووووووووووووووو
يريت اللى يجى بعدى يقول نصيحة للاعضاء اللى على المنتدى

النصيحة يامينا
((خد بالك من كل كلمة وكل فعل بتعملة علشان هيتحسب عليك في يوم من الايام قدام نفسك وقدام الناس وقدام ربك ))

- حاسس باية دلوقتي حالا
صعبان عليا نفسي

2- قبل ما تدخل التوبيك دة كنت بتعمل اية
بشرب كوفي ميكس
3- بعد خمس سنين منالنهاردة شايف نفسك ازاي
وفين
اعلامي مشهور شويتن
4- اخر مرة ابتسمت فيها من قلبك كانت امتي
من يومين
بس مش من قلبي من غلبي وانتي الصادقة
5- اخر مرة عيطت فيها كانت امتي

6- اية اكتر حاجة وحشاك وعايزها تبقي موجودة قدامك حالا
حبيبتي

7- لو عايز تقول حاجة قووووووووووووووووول
المجال مفتوح
ياريت الكلام بيجيب نتيجة
8- حط سؤال اللي هيرد بعدك يجاوب علية بس
مش لاقي سوال اساله