هل لديك الجرأة على التصريح بأسوأ طبع فيك؟؟

●●سؤآلي هو ●●
هل تستطيع ان تخبرنآ بأسوء طباعك ؟

اللى يدخل لو سمحتوا يقول رأيه
لو يقدر يقول ايه اسوأطبع فيه يقول
ولو مش عاوز يقول مش هاقول
اوك
يلا مستنيه الاجوبه

دايما مواضيعك جامده ربنا يحرس الماوس والجهاز بتوعك من الحسد

المهم احييك علي الموضوع الجميل ده

من المهم جدا للانسان انه يراجع نفسه كل فتره ويقيم نفسه واعماله وشخصيته

اللي اكيد بيسمع اراء عنها من اللي حواليه سواء في البيت في الكنيسه في الشغل

ويحاول يصحح من نفسه ومن الللي تعتبر اخطاؤه

المهم مطولش عليكم

انا بقي مشهور بطول البال والكسل والتراخي جدا جدا جدا جدا

وكويس اني عارف كده بس المشكله اني لسه بحاول وان شاء الله ربنا يساعدني

انا كنت نشيط جدا زمان من حوالي خمس ست سنين كده كبرت شويه

واتلحست في دماغي

المهم ميرسي يا رينا وربنا يخليكي للمنتدي

ميرسى يا كيرو على جرائتك
وردك السريع
ربنا يبارك حياتك

اي خدمه يا رينا احنا في الخدمه

موضوع جميل قوى يا رينا
وفعلا محتاج جرأه جامده
وانا هقول حاجه صغيره بس من الحجات بجد الكتير اللى مضايقانى فيا
ههههههههههههه
اول حاجه التسرع تقدرى تقولى مندفعه
و دايما قلبى سابق عقلى
تانى حاجه
مش بعرف ارد كما يجب على اى حاجه
وكفايه كده

فيه حجات تانيه كتيييييييييير

ميرسى يا سونسون يا قمر
على مرورك وردك
بس فى حاجه

مش بعرف ارد كما يجب على اى حاجه

انتى متأكده من الموضوع ده
انا ملاحظه ان كل ردودك منطقيه ورائعه

مشرفه عدد الرسائل : 1111 تاريخ التسجيل : 08/10/2008

يوووووووووووووو
اتى يوم ان يفضح المرء فى الامتحان
انا عصبية موت موت
قلبى دايما سابق عقلى على راى سناء
وبرضوا حاجات تانية كتير

فين باقي الاعضاء ولا مكسوفيييين

هههههههههههههههههههههههههههههههه

جميل يا رينا
وديما موضوعاتك شديييييييييييده

انت تنفعي صحفيه او محاورة

جربي كده وهتاخدي فوق دماغك

المهم انا هقولكم علي اسوء طباع فيا وده انا بقوله كتير ومش بتكسف منه لاني عايز ابطله

1- ديما احب اظهر نفسي علي حق ((وده لاني مبحبش الهزيمه اطلاقا))
2- كسول بعض الشيء وبالي طووووووووويل اوي بس احيانا برضو عصبي ومش بعرف اسكت لو سمعت كلمه مبتعجبنيش
3- خجوووووووول اوي ولخمه اوي
4-بتعلق بالاصدقاء والناس بشده ولكن لو مرت فتره مشوفتهمش عادي ممكن جدا انسي
5- عيب وميزه في نفس الوقت اللي هو اني مش بعرف ازعل ولا اخد علي خاطري من حد ولذلك ممكن حقي يتاكل بسهوله لان الطرف التاني واثق انه انا مش هزعل زي اي حد

6- مش بحب المسئوليه اوي او بمعني اصح بحب اتحاشاها وده مش لاني مش اد السئوليه ده لاني بحب اريح دماغي ومدخلش في متاهات

كفااااااااااااااااااااايه كده دنا خلاص بقيت كلي عيووووووووووب

دول بصراحه اهم عيوب فيا

وميرسي جدا ع الموضوع يا رينا

ميرسى على مرور جميع الاعضاء
وياريت كل واحد يحاول يصلح من اخطائه
ولو كل واحد كان عنده اراده قويه هيقدر
يتغلب على عيوبه دى
تقبلوا مرورى

انا بقى من اهم عيوبى :.

1-الكسل والتراخى جدا جدا
2-ذاكرتى قوية جدا جدا مبنساش الى بيزعلنى ولو بعد 100 سنة ودى اوحش حاجى فيى
3-خجوووووووووووول اقوى (بتكسف يعنى)
4-حشرى شوية هههههههههههههههههههههههههه

كفاية بقى كدة احسن يفضحونى الجماعة فى البلد

بهيج انته حشري قوي

هههههههههههههههههههههههه

بهذر معاك اوعي متزعلش

ههههههههههههههههههههههههههههه

1-الانانيه ويا لها من مصيبه
2-العصبيه ويا لها من كارثه
3-انا كنت فاكرها بس نسيتها
4-مفيش حاجه فى حياتى جد
ودى الحاجات اللى انا فاكها دلوقتى
لو حد من الاصدقاء شايف اى حاجه انا مش شايفه فى نفسى
يا ريت يقولى ومش هزعل وخصوصاً ميدو وكيرو

يووووو موضوع جامد بجد يا رينا

وانا هقول اللى فيا بكل صراحه

1- حب الاستطلاع الشديد (حاجه تخصني او متخصنيش)

2-اظهار زاتي (احب لما اعمل حاجه كويسه اظهر انى انا اللى عاملها قدام الناس)

3-الهزار فى كل الاحيان (حتي لو بتكلم فى موضوع جد جداً وفي ناس زعلت مني بسبب الحاجه دي)

4-ههههههههههههههههههههههههههههه

فيه حاجات كتير بجد وانا ناسيها

لو فاكرها كنت كتبتها صدقوني

بس انا واثق اني كلي اخطاء

ميرسي جدا على الموضوع وياريت تصلولي ابطل الحاجات دي

ميرسى لكل الاعضاء على المرور
وعلى جرائتهم
وانا بقى احب اقول اهم عيوبى

1- انا عندى حب استطلاع رهيب بيجيب ليا مشاكل احيانا
2- انا لما بشوف حاجه غلط بنفعل لدرجه انه ممكن اللى قدامى يزعل منى وانا مش بكون قاصده
3- انا مش بزعل بسرعه وده بيخلى صحابى يعملوا اى حاجه وهما عارفين ان انا مش هازعل ولو زعلونى بكلمتين بيصالحونى لانى مش بدق عليهم
4- بموت فى الهزار وبحب اضحك كتير وبكره النكدولما يكون قعده فيها نكد بمشى منها وده احيانا ممكن يزعل صحابى منى

بس كده مش فاكره تانى لما افتكر هابقى اكتبهم
ميرسى على الردود

بكره الانتظار
يعنى مره كنت مستنيه القطر علشان اروح قنا
هى ربع ساعه ده اخر ما عندى
وبعدها اخدت مواصلات ورجعت الاقصر
مرضيتش استنى القطر
نرفوزه بقى تقولوا ايه
ولسه

زائر

ههههههههههههههه

جامدة موضعاتك اوى اوى

انا يقة من اهم عيوبى

1-انى اجرح بس منجرحش ناس يسموها غرور

لكن هى فى وجهة نظرى كبرياء

2-ممكن اكون صريح اوجرئ اوى اوى زيادة عن اللزوم

يعنى مثلا لو شفت واحدة حلوة ممكن اروحلها وقلها كدة بس لازم طبعا اكون عارفها

حتى لو اسما بس

ميرسى يا مينا اوى على جرأتك وردك
وان شاء الله تحاول تصلح من عيوبك
وكلنا كمان نحاول نتغلب عليها

زائر

هحاول ان شاء الله ميرسى ليكى

انا بقا عيوبي كتييييييييييييييييييييييير مش هينفع اكتب فيها صفحه او اتنين بس هذكر منها

1_ متقلب المزاج يعني بمعني اصح هوائي
2- صريح جدا مش بعرف اجامل ولما بحب اجامل بتفكس
3-ممكن اكون ندل في بعض الاوقات بس بيبقا غصب عني بأمانه يعني الظروف بتضطرني لكده

كفايه كده

عصبية وصراحة وتسرع كلهم عندي صفة واحدة بيشتركو مع بعض

ميرسى على مروركم
وربنا يهدينا ونحاول نصحح من اخطائنا
وطبعا انا اولكم

ايه يا جماعه فين باقى الاعضاء

انا عيوبى نفس عيوب رامز تقريبا وكتييييييره بردو
بس مش ندله

ههههههههههههههه
1_ متقلب المزاج يعني بمعني اصح هوائي
2- صريح جدا مش بعرف اجامل ولما بحب اجامل بتفكس

ومش بحب الانتظار
سريعة الغضب
كفايه كده بلاش فضايح
ههههههههههههههههههههههههه

انا بقا مش بفكر لما اخد قرار يعني زي ما تقولي شخصية متسرعة جدا

وكمان انا شخصية شكاكة جدا ههههههههههههه

يعني بشك في اي حد اي حد حتي لو كان اعز ما ليا برضو بشك فية

وصدقيني هو دة الصح لانة في الزمن دة غلط انة احنا نأمن لاي حد

لانة خلااااااص مفيش حد بيكون كد الامانة دي واولهم انا

ميرسي يا رينا بجد موضوع هايل

لا تشمتي بي يا عدوتي اذا سقطت اقوم واذا جلست في الظلمة فالرب نور لي
(P_E_T_E_R)