الصداقة بين الطرفين

ياجماعة ياريت تتناقشوا معايا في الموضوع دة احيانا اوافق انة يوجد صداقة بين الولد والبنت علي اساس انها صداقة حقيقية بين اي اتنين واحيانا ارفض هذا المبدا تماما لانها ممكن في الحالة دي تتحول الصداقة لشئ اخر اية رايكم انتوا بقي

انا من رأيى ان من الممكن انها تكون زماله وليست صداقه
لانه زى ما انتى قولتى انها ممكن تتحول حاجه تانى
وممكن كمان تتفهم غلط
لكن ممكن نسميها زماله لكن فى حدود
بمعنى ان الكل واحد مفيش حد يفرق عن التانى
دى كانت وجهى نظرى ممكن تكون .....وممكن تكون.....

أنا بردو هقول زى رينا مفيش حاجه اسمها صداقه بين بنت وولد
بمعنى كلمة صداقه
ممكن تكون زماله
ما نفعش ابدأ يكون للبنت صديق ولد أبدا
لان زى ما قولتوا هتتحول لحاجه تانيه

ميرسى حبيبتى على المناقشه الجميله

[size=29]شكرا علي مروركم بس انا زي ماقلت احيانا اوافق ان في صداقة بين الطرفين واحيانا لا وبعد كدة في ناس مقتنعة ان في صداقة بين الطرفين وصداقة عادية ومفيش مشاكل ازاي بقي نقنع الناس دي ان دة غلط

سلام ونعمه

اولا احييكي عالموضوع الرائع يانيرمين اللي عرضتيه للمنااقشه

بصي بأختصار شديد كل بلد ولها عاداتها وتقاليدها والعرف اللي ماشيه بيه

يعني علي سبيل المثال احنا هنا عايشين في الصعيد

والصعيد بتحكموا تقاليد وعادات وحاجات من دي ممكن بالنسبالنا احنا كشباب او شابات بما اننا جامعيين وطلعنا وعرفنا الدنيا فيه ايه بره مش عيب لما الواحد يزامل او يصاحب بنت والعكس بنت تصاحب ولد علي سبيل الصداقه او الزماله ليس اكتر

لكن من وجهة نظر ناس تانيه انه اللي احنا بنعمله ده خروقات عن العادات والتقاليد ومش بعيد الاب يضرب بنته اوالاب يطير ورا ابنه من البيت بمجرد ما عرف انه فلان مثلا وقف يتكلم شويه مع فلانه او العكس

يعني دي مشكلة مجتمع احنا بنعيشه مش مشكله شخص معين

وكمان فيه كلمه عجبتني جدا قالها الانبا موسي اسقف الشباب انه الصداقه بين الولاد والبنات تبقا مجموعات يعني مثلا ما ينفعش ولد وبنت يطلعوا رحله لوحدهم ولكن لما جروب كله يطلع رحله بتقا حاجه جميله

وفي النهايه احب اختم انه طالما الولد محترم والبنت محترمه ايه المانع انه يبقا فيه زماله او صحوبيه بينهم؟

شكرا اوي علي الرد الجامد دة وفعلا لو البنت والد محترمين مفيش مشاكل ان تكون هناك زمالة بينهم