هل طيبة القلب ضعف ؟؟؟؟......

موضوع اردت ان اناقشه معكم واخذ آرائكم فيه
والسؤال هنا هو :
هل طيبة القلب ضعف في الشخصية ؟؟؟
اتمنى ان لا تبخلوا علينا بالحوار الهادف
القضية :
أصبح الانسان طيب القلب في زمننا هذا شخص ضعيف
واصبحت الطيبة توصف بالضعف لماذا ؟؟؟
لأنه يتصف بالسماحة والشفافية ..

وأصبح الناس يستغلون" للأسف" طيبة قلب الشخص
لقضاء مصالحهم ولتجاوز النظام !!!

كيف يمكن لطيب القلب ان يتعامل مع من حوله حتى لا يصفونه بالضعف ؟؟
متى تكون طيب القلب ومتى تكون شرس الطبائع ؟

والباب مفتوح للجميع بالمشاركة في الحوار
فلا تحرمونا آرائكم النيرة،،،

تقريبا كده هو طيبه القلب سمه من سمات ضعف الشخصيه بس احنا مش بننظر للعالم وكل ما فيه اهم حاجه انه الواحد ربنا يرضي عنه وربنا قال ياابني اعطني قلبك يعني ربنا بيدور علي قلب الانسان مش شخصيته ولا مظهره
انا بصراحه مش مهم عندي يكون الواحد قلبة قاسي وشخصيته قويه لا طبعا

انا بحب الانسان اللي قلبه طيب بغض النظر عن ان كان شخصيته ضعيفه ولا لا

بس في النهايه يعني في الغالب كل اللي قلبه طيب بتبقا شخصيته ضعيفه

شكرا علي الموضوع الجميل يارينا ربنا يباركك

ميرسى على المرور الجميل ده

موضوع هايل هايل

بجد الموضوع ده انا نفسي اناقشه من زمان

لان المشكله دي بتواجهني كتير اوي

وفعلا احيانا ناس كتير وحتي من اصحابي بتتجاوز كلامي واحيانا بتعمل تصرفات علي حسابي

وفعلا ناس بتعمل امور بتتجاوز الحدود وده من اجل مصلحتهم الشخصيه

طيب ليه؟

هو الواحد علشان قلبه طيب ومحترم يكون رد الفعل كده؟

وبتغاظ موت لما واحد يحترم واحد لان التاني صعب وبيشخط ويمكن يشتم ويتمادي في الالفاظ فتلاقي كل الناس بتحترمه وفي سبيل ذلك تلاقيهم بيجوا علي واحد تاني ويتجاوزوا قرارته وليه كل ده لانه طيب القلب ومحترم ومش بيشتم

هو اللي بيشتمني احترمه والطيب المحترم معملهوش اعتبار؟

وكمان رامز قال كلمه مش عجباني

((تقريبا كده هو طيبه القلب سمه من سمات ضعف الشخصيه ))

لا يا رامز انا مش معاك في دي

الشخص الطيب القلب الهادي مش معني كده انه ضعيف الشخصيه جايز هو مبيحبش يزعل حد وبيجي علي نفسه علشان غيره

وكمان الدليل انه فيه شخص تلاقيه بيتعامل مع واحد بمنتهي الطيبه والهدوء ويتعامل مع واحد تاني بشخط وشتيمه يبقي ده شخصيته ضعيف؟؟؟ رغم انه هادي مع الاول

عموما انا رأيي انه الطيب القلب مش معني كده انه ضعيف الشخصيه بالعكس ده يمكن بيحب ديما يكون ليه تاثير ودوره مش مجهول

لكن المشكله ان الناس بقت تستغل الطيبه بطريقه غلط

ميرسي رينا بجد علي الموضوع وربنا يباركك

فعلا يا ميدو انا لما قولت انه الطيبه سمه من سمات ضعف الشخصيه كنت اقصد فعلا انه الناس بتستغل طيبته دي بطريقه غلط وعلشان معظم الناس بقت بتعمل كده فبقي وارد انه طيبه القلب دليل علي ضعف شخصيته

مناقشه جميله
واانا احب اعرف اراء باقى الاعضاء

معلش ردى متاخر
بس دى اول مره اشوفوا

وعجبنى علشان كدا حبيت ارد عليه

احيانا ناس كتير وحتي من اصحابي بتتجاوز كلامي واحيانا بتعمل تصرفات علي حسابي

وفعلا ناس بتعمل امور بتتجاوز الحدود وده من اجل مصلحتهم الشخصيه

طيب ليه؟

هو الواحد علشان قلبه طيب ومحترم يكون رد الفعل كده؟

وبتغاظ موت لما واحد يحترم واحد لان التاني صعب وبيشخط ويمكن يشتم ويتمادي في الالفاظ فتلاقي كل الناس بتحترمه وفي سبيل ذلك تلاقيهم بيجوا علي واحد تاني ويتجاوزوا قرارته وليه كل ده لانه طيب القلب ومحترم ومش بيشتم

هو اللي بيشتمني احترمه والطيب المحترم معملهوش اعتبار؟

وكمان رامز قال كلمه مش عجباني

((تقريبا كده هو طيبه القلب سمه من سمات ضعف الشخصيه ))

لا يا رامز انا مش معاك في دي

الشخص الطيب القلب الهادي مش معني كده انه ضعيف الشخصيه جايز هو مبيحبش يزعل حد وبيجي علي نفسه علشان غيره

وكمان الدليل انه فيه شخص تلاقيه بيتعامل مع واحد بمنتهي الطيبه والهدوء ويتعامل مع واحد تاني بشخط وشتيمه يبقي ده شخصيته ضعيف؟؟؟ رغم انه هادي مع الاول

عموما انا رأيي انه الطيب القلب مش معني كده انه ضعيف الشخصيه بالعكس ده يمكن بيحب ديما يكون ليه تاثير ودوره مش مجهول

لكن المشكله ان الناس بقت تستغل الطيبه بطريقه غلط

الكلام اللى فات دا كلام الباشمهندس مدحت

وانا معاه فى كل كلمه قالها

الطيبه مش معناها ضعف بالعكس
الانسان الطيب بيبقى حساس وقوى الشخصيه
واكبر دليل على قوة شخصيته انه لسه محتفظ بطيبته
فى الزمن دا

والعصبيه والصوت العالى هو الضعف
لكن الانسان اللى مش بيحب يزعل حد عيب اننا نقول انه ضعيف الشخصيه

معلش طولت عليكم

ميرسى ع الموضوع

عمر ما كانت طيبه الفلب ضعف
ميرسي ليكم وانا مع كل ردودكم