جااااااااااااااااوب بصراحه لو سمحت

إن لكل إنسان مهما كان له أخطاء و عيوب ,

يعتريه النقص ' كل ابن آدم له خطاء ' .

وطبعاً أنا لا أقصد بالعيوب هنا ,, العيوب الخِلقَية ولكن أقصد

العيوب في التصرفات او الطباع ..

على سبيل المثال : لو كان لك صديق وهذا الصديق به من الصفات

الجميلة الشيء الكثير ولكنه نمّام

أو كذّاب أو كثير الكلام ,, هل ستواجهه ؟؟

واذا كانت هذه الصفات فيك ( مثلاً ) هل سترضى اذا واجهك بها .

بصراحة هل ستعتبرها هدية ؟؟؟؟!!!!!

أم ستعتبرها إهانة وتدخل فيما لايعنيني أم وقاحة؟

انتظر .. وفكر قبل الإجابة قليلاً .

إذا كنت تعتبر المصارحة بالعيوب هدية

فما هو لون الغلاف أو شكل الغلاف ( أقصد هنا الأسلوب ) الذي تحب أن

تغلّف به هديتك ؟

هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟

بصراحة :

هل أنت مع هذه المقولة .. هل ترضى أن يصارحك احد بعيوبك ؟

و أنا أتمنى من الي يقرأ الموضوع إنه يقول هو مع هذه المقوله
او لا

منقول

اولا انا مع هذه المقوله

اما بالنسبالي انا مبحبش اصارح صديقي بعيبه بطريقه القصد
بمعني انا لا اقول له هذا العيب الا اذا تعرضنا لموقف ظهر هذا العيب منه بصورة جليه
ولا اتعمد ابدا قولها له بطريقه مباشره

وبالاضافه الي ذلك انا من البدايه اصلا لا احب عرض المواقف التي تظهر عيب صديقي
بمعني اكتر اني اتحاشاه او اتحاشي اي موضوع ممكن يظهر عيب صديقي

والحمدلله بعض اصدقائي لهم عيوب ولكن هذه العيوب غير مؤثرة اي انها عيوب سهله
والبعض الاخر لم اري عيبا منه حتي الان

اما بالنسبه لشخصيتي اكبر عيب عندي هو محاوله اظهار نفسي عي حق حتي لو كنت انا مخطأ في وجهة نظري والسبب انني لا احب ان اكون مهزوم ودائما انا الارجح
ليست انانيه وانما الرغبه في الفوز الدائم

شكرا رينا علي الموضوع الشيق الجميل وياريت كل واحد يكتب رأيه ويحاول كمان يحلل شخصيته
ميرسي ريييييييييييييييييييينا

انا من رأيى
انا باتفق مع هذه المقولة لكن انا احب ان اصحابى لما يقولولى على اخطائى يقولولى لما نكون لوحدنا (بينا وبين بعض)علشان لا تحرجنى ولا انا احرجها.....
والعكس برضة مع اصحابى بس بحاول اقولهم بطريقه لذيذه متبينش انى بقولهم على اخطائهم ولكن هى نصيحه على سبيل الهزار
$
$
ميرسى يا ميدو على رأيك

موضوع رائع يارينا ودايما تفاجئينا بالمواضيع الجامده

بصي ياستي بالنسبه للعيوب اللي في صحابي علي حسب حجم العيب اللي هو بيرتكبه يعني لو كان بيعمل حاجه غلط بنصحه النصيحه اللي اي واحد كان المفروض يقولها ليه و انا بحب اقوله اللي بتعمله ده غلط لو حتي كان معانا حد او مش معانا حد يعني مش هتفرق معايا
ودي عاده عندي مش عارف ان كانت دي عاده كويسه ولا لا؟ بس طالما شوفت واحد بيغلط وبيتمادي في الغلط بتاعه انا مش بقدر اسكت

اما بالنسبه لو كان الموضوع علي سبيل الهزار عادي مش هتفرق معايا لو قولتله ده صح او غلط

اما بالنسبه للعيوب اللي فيا انا بحب اللي يكون شايف اني انا علي غلط يجيني ويقولي انت عندك كذا وكذا وغلطت في كذا وكذا وبأمانه انا عمري ما هزعل منه لكن بكرهه كره الموت لو اخد موقف مني من غير ما اعرف ايه اللي حصل مني بالظبط وببقا مش عايز اشوفه قدامي

دي وجهة نظري

ميرسى على المرور الجميل
وانا بحترم ارائكم
ومع احترامى لرأيك يا ميزو
لكن انا ليا تعليق على حاجه وده بعد ازنك

و انا بحب اقوله اللي بتعمله ده غلط لو حتي كان معانا حد او مش معانا حد يعني مش هتفرق معايا

الطريقه ده ممكن تحرجه او تزعله
او تخليه ياخد موقف
لكن انتلما تقوله الحاجه دى بينك وبينه
بطريقه لذيذه هيعرف انه غلطان وفى نفس الوقت مش هايزعل
وهيعرف انك بتقوله كده علشان مصلحته
ياريت متكونش زعلت من كلامى

وانا بحترم وجهة نظرك يارينا

بس انا قولت دي عاده فيه يعني طبيعي مش بقدر اسكت

اوكى وياريت متكونش زعلت من كلامى
وميرسى على المناقشه الذيذه دى

فين اراء باقى الاعضاء

انا شخصيا مش بحب انى اعطى اى نصيحة لأى حد
لان كل شخص حر فى تصرفاتة
وخصوصا جيل الايام دى جيل الانترنت زى م بيقولوا
يعنى ناضج ومتفتح زيادة عن اللازم ف اكيد بيكون واخد بالة من تصرفاتة
ولو ليا صديق او حد عزيز عندى قوى وشايفة انة بيعمل تصرف مش كويس
بحاول انى اوصل لة النصيحة عن طريق حد تانى غيرى انا
سوا بابا او ماما او اب اعترافة كدا يعنى
وصدقينى احنا كلنا محتاجين لنصائح لانة مفيش شخص كامل على الارض
ربنا يعطينا اننا نتصرف تصرفان حسنة تليق بينا كأولاد للرب المجد يسوع
واسفة للأطالة
وميرسى ياقمر على السؤال المهم فى حياة كل انسان فينا
ربنا يعوض تعب خدمتك

انا الشخص الى بيقولى عيبوبى

بحترمة جدا وبحبة قوى

لانة بيورينى الى انا مش شايفة فى نفسى

علشان بيعرفنى الى انا معرفهوش عن نفسى

ومزعلش منة ابدا وانا لما

لما اقول لاحد عيوبة انا ببقى صريح جدا وجرئ

وبقولة انت كذا وكذا وفى كل حاجة مش بس

الشخص نفسة اقول رايئ بصراحة

ميرسى اوى على ارائكم
نورتوا الموضوع

لو صديقي يبقي يصارحني احسن ما حد تاني يصارحني واتكسف بس المهم اني اغير الحاجات اللي فيا وحشه مش اسمع وبس