هل ندمت يوما علي صراحتك؟؟؟؟

سلام المسيح

فى ناس كتير تقولك انا صريح جدا ومع ذلك من كترة صراحته بتقلب ضده يعنى بيخسر ناس كتيرررر.

حتى كمان بين الاصدقاء الصراحة مطلوبة لانها هى اساس الصداقة. ساعات يا جماعة الصراحة بتكون ايجابية وساعات بتبقى سلبية!

وفي نفس الوقت حياتنا بتكون محتاجة فيها جراءة بس بحدود!

وساعات الصراحة بتوقعنا في مشاكل من غير ما نقصد!

وكمان بتخسرنا اصحابنا !!!!

انا بجد عايز اسمع وجهات النظر ورايكم في الموضوع ده!

انتوا ايه رايكوا !!

فى فرق بين الصراحة والوقاحة(اسف على الفظ)
لان فى مقولة بتقول :
سهل تخسر اللي قدامك صعب انك تكسبهم مرة تانى
هل ندمت يوما علي صراحتك؟؟؟؟ Hlp

عايز اقول ياريت كلنا نخلى بالنا من طريقة كلامنا مع اى حد من خلال التعامل مع بعض

فى انتظار مشاركاتكم

جميل يا ميزو

الموضوع ده انا بحبه اوي لاني عانيت كتير من مشكله الصراحه

شوف يا ميزو الصراحه دي شيء جميل وعمرك ماهتندم عليها جايز تندم بس لفتره قصيره وهترجع تفرح من تاني

بص اكتر من مره بيواجهني موقف صعب وخاصه في الشغل الصراحه هتجيب مشكله الكذب او التلوين في الكلام ممكن يحل الاشكال ده بس ممكن يوقعك في اشكال اكبر بعدها بفتره

والمشكله اني كنت بختار الصراحه لاني مبحبش غيرها وكان فعلا اللي قدامي يتغاظ ويتضايق وجايز يزعق ويسيبني ويمشي بس عارف بعدها

بجد بيوصلني كلام انه فلان ده مبسوط مني مع اني مقصر واعلنت ده بس مكدبتش او خدعته
لان الصراحه صفه ملازمه للامانه ودي صفه مطلوبه جدا في كل مجالات الحياة وخاصه الشغل

فانا عن نفسي بقول الصراحه وبكل بساطه دون تلوين في الكلام ومش بندم عليها وهي فعلا بتخسرني بعض اصدقائي لكن بيرجع يتفهم الموقف ويقدرني اكتر من الاول

لان الصراحه دي شيءنقي وعمرك ماهتندم علي شيء نقي

نصيحتي لكل النااااااااااااااااس كن صريح وخاصه مع نفسك

حلو قوى يا ميزو الموضوعدة بجد

بس فعلا فى اوقات الناس بتزعل من الصراحه
بيبقو عوزين مجاملات وكذب مش صراحه
بس انا عن نفسى معرفش اجامل بقول الحقيقه
خبط لزق بدون مقدمات يعنى بيزعلو شويه وبعدين
بنتصالح على طول بس مش بيكون قصدى أزعلهم
يا رب ميكنش حد زعلان من كلامى

لا

اولا شكرا لمشاركتكم

ثانيا ميدو كان لمح علي موضوع الصراحه في الصداقه وكده

طيب انا كان عندي سؤال
برضه محدش جاوبني عليه:

لو حسيت انه بصراحتك دي ممكن تخسر الصديق اللي قدامك هتصارحه ولا لا وخاصتا لو كان صديق يعز عليك جدا؟؟؟

لا طبعا هصارحة لانى لو يعز عليا اووى لازم اقولة على الحقيقة حتى لو كانت هتزعلة هو ممكن يزعل فترة لكن بعدين هيعرف انى كنت باقوله كدة
ده رأيى وممكن يكون صح او خطأ
ميرسى يا ميزو على الموضوع الجااااااااااااااااااااااامد ده

بص يا ميزو

انا هرد علي سؤالك

لو صديقي ده ممكن اخسره بمصارحتي له

يبقا اخسره احسن واصارحه

لانه لو كان فعلا صديقي كان مش هيزعل من مصارحتي له بل بالعكس المفروض يحس انه اللي قدامه بيصارحه علشان بيحبه

لكن لو زعل من المصارحه وكمان رست علي اني اخسره لا يبقا كده هو مش صديقي اصلا

يعني بالمختصر لو صديقي بجد هيتقبل اي حاجه مني

الصراحه انا كنت شيفاها جميله فى كل شئ
لكن دلوقتى اتضح ليا ان مفيش اوحش من الصراحه فى الاحساس
لانك لما بنكون صريح فى احساسك هتكون النهايه ان صراحه احساسك ما بتتقدرش
وتكون النهايه مش حلوه
اما الصراحه فى الكلام انا عمرى ما حولت اكدب او الون فى الكلام لكن من دلوقتى
هحاول انى اعمل كده لان الصراحه بتزعل اعز الناس
اما لو صديقى هخسره بالصراحه هفكر كتير اووووووووووى قبل ما اصارحه
وميرسي ليك
موضوع هايل

انا مع مانو في رايها
موضوع مميز تسلم ايدك

الصراحة مفيش احسن منها

مهما يحصل اينعم في ناس كتير بتزعل من الصراحة

بس هو دة الواقع وانا عن نفسي بتحصل معايا اني بضايق لما اصارح حد ويزعل مني

بس برجع واقول انا قلت الواقع

بالنسبة للسؤال

لو حسيت انه بصراحتك دي ممكن تخسر الصديق اللي قدامك هتصارحه ولا لا وخاصتا لو كان صديق يعز عليك جدا؟؟؟

الصداقة اصلا اساسها الصراحة يعني مينفعش نخبي علي بعض حاجة

حتي لو الحاجة دي ممكن اخسر صديقتي بسببها

بس مادام في صداقة فعلا اكيد الامور هتبقي واضحة

واصلا لو مكانش في صراحة يبقي دي مش صداقة

ميرسي علي المناقشة الجميلة دي

الصرحه جميله جدا هو في احسن من الصرحه