سؤال مهم بيطرح نفسه ((ايه الحل ...... وصح ولا غلط؟؟؟))

فعلا ايه الحل...... ونعمل ايه......وده صح ولا غلط؟؟؟؟
كل دي تساؤلات حول الموضوع
وموضوعنا هو تقابل البنت والولد داخل حوش او فناء الكنيسة
والموضوع ده كبيييير وبتختلف فيه الاراء كتيييييييييير
طيب ده صح ولا غلط؟؟

قبل الاندفاع بالجواب سواء بالسلب او الاجاب خلينا نتمهل شويه ونفكر كويس
معروف ان الكنيسه هي دار العبادة لكن هل ده يمنع؟؟؟؟
طيب دلوقتي البنت والولد لسه ميعرفوش بعض كويس وكمان لازم يعرفوا هيتوفقوا مع بعض ولا لا يعني لازم مقابله او اكثر

((طبعا ده قبل ما الولد يروح لأهل البنت علشان لا يقابل بالرفض))

طيب يتقابلوا فين؟؟؟؟

لانه الكنيسة اامن مكان لانه يعتبر البنت والولد اخوات داخل الكنيسة لو اي حد شافهم.لكن لو اتقابلوا بره اي حد هيشوفهم الكلام هيذيد وهيوسع وكمان مننساش انه تصرف البنت او الولد داخل الكنيسة مش هيكون زي بره الكنيسه وكمان جوه الكنيسه برضو يعتبر تحت نظر الاباء الكهنة او الاهل

افتكر كانت مشكلة عندنا في كنيستنا بسبب الموضوع ده وكمان الكاهن شد مع الشباب والبنات كتير

طيب الولد والبنت المرة الجايه مش هيتقابلوا تاني في الكنيسه لكن هيتقابلوا بره!!!!!

يبقا احنا كدة حلينا المشكلة ولا زودناها تعقيد؟؟؟

انا نفسي مش عارف فين الصح والغلط

ارجوا من جميع الاعضاء المساهمة برأيه والاجابة علي كافة التساؤلات وميستهونش بالموضوع لانه معظمنا شباب والموضوع يهمنا اوي
وكمان ممكن نتعرض ليه

ســــــــــــــــــــــــلام المسيـــــــــــــــــــــــح[/size]

مناقشه حلوة قوى يا ميدو جمييييييييله جدا وفعلا اختلفت اراء الكنهة والاساقفه
منهم بيشوف انو المقابلات فى الكنيسه احسن عشان تبقى تحت عنيهم
بس انا ليا رأى مختلف شويه
بشوف انو ممكن اول تعارف بس هو اللى يبقى داخل الكنيسه ووبعد كدة الامور تمشى بشكل محترم زى ما احنا عارفين فى خطوات الارتباط
يعنى مش نسوق فيها تبقى الكنيسه مكان لتجمع الحبيبة
اظن انتو فاهمين قصدى
وده بقه لازم الولاد والبنات كل طرف يخلى فى عينه حصوة ملح ويفهم انو لازم يحافظو على بعض ( الطرفين)
ولازم يعرفوا ان الكنيسة ليها قدسيتها واحترامها
ومش لازم نحولها لحجات تانيه
المقابلات اللى تتم فى الكنيسه
تبقى شلة ومش منفردة وكمان مش باستمرار
يعنى حسب الصدفه ومش بشكل يومى ومش تطول
على فكرة انا شوفت حجات مش تليق ابدا بيبيت ربنا ومن ناس مسيحين
وبعدين الولد المحترم هيقابل بنت يعمل بيها ايه برة او جوة
هتقولو عشان الارتباط
طيب ماهو التعارف يكون جوة الكنيسه ومرة واحدة واللى تقبل على نفسها غير كدة معلش سامحونى ................
لسه هندى كلام تانى كتير فى الموضوع دة
هرجع اكمل تانى بس بعد ما اشوف رأيكم

ميرسي سناء علي مرورك وكلامك الجميل

بس انت برضو مش جاوبتي علي كل الاسئله بس انا عارف انه لسه عندك كتير

طيب ده كان رأي الاستاذة سناء

نسمع بقا باقي الاراء بتقول ايه

انا من رأي بدل ما البنت و الولد يتقابلو فى اماكن براى و شويه شويه هيتعودو على انهم يروحو اماكن مش ظريفه
و هيبقى الموضوع دة عادى بالنسبه ليهم
يبقى احسن يتقابلو فى الكنيسه على الاقل هيكسفو انهم يعملو حاجه على الاقل يبقى الموضوع قدام اصحبهم فى الكنيسه و مش لوحدهم

تشكر كتير على الموضوع المهم جدا جدا جدا دة

وانا رأي من رأي ايمي برضه

يعني من الافضل انهم يتقابلوا في الكنيسه علي رأي اب كاهن لما يتقابلوا في قدام عنينا احسن من انهم يتقابلوا من ورانا

وعلي رأي ايمي برضه هينكسفوا يعملوا حاجه بطاله قدام الناس

صح ،،، كلامكم صح

يتقابلوا في الكنيسة بس !!!! في اطار الجماعة او المجموعة

يعني ممنوع يتقابلوا اتنين اتنين ،، ممنوع ممنوع ،، ومن رأيي بلاش يتقابلوا

في كل الحالات ،،

العيب عمتا مش فى المكان اذا كان كنيسه او غير كدة

المشكله فينا احنا ياشباب و فى وقفتنا بيها ممكن نستفاد و بيها ممكن نخلى المنظر مش كويس المهم ان احنا نحب المكان الى احنا فيه مش نحب الناس الى فى المكان بس
يعنى معظم الشباب دلوقتى بنات و اولاد بيجو الكنيسه بس عشان يتجمعو ليس الا
و خصوصا بعد القداس المنظر بيبقى رهيب و بجد بحزن

مشرفه عدد الرسائل : 1111 تاريخ التسجيل : 08/10/2008

انا من راى يتقابلوا فى الكنيسة قدام الناس كلها
وخلاص كفاية تخلف ولكن الموضوع هيتم فية ارتباط ماشى
هى هتحس انة بيلعب بيها او هو كدة
يبقى البعد احسن وبلاش الكلام الكتير
وبعدين هو لو بخاف عليها هو هيقولها بلاش نقف فى الكنيسة ولافى اى مكان تانى لحد ماتبقى فية علاقة مشروعة دى راى ياجماعة

انا بقى من رأيى انهم يتقابلوا فى الكنيسه احسن بكتير
لانك زى ما انت قولت انهم فى الكنيسه اخوات وهياخدوا بالهم من تصرفهاتهم
لكن برا الكنيسه هيبتدى الكلام ينتشر

وانا من وجهه نظرى انالاب الكاهن ده اتسرع شويه فى رفضه لوقفه الشباب
طيب مهو لو مش وقفوا فى الكنيسه هيقفوا بره

وبعدين مثلا الشباب فى الجامعه بيتقابلوا فى الجامعه وبلاد غريبه يعنى لو عاوزين يعملوا اى حاجه هيعملوها
لكن هما طالما ولاد ربنا مش هيعملوا الحاجه الغلط دى بره الكنيسه
تخيل بقى جوا الكنيسه

وبعدين الفصل الجامد اللى بين الولد والبنت هو اللى عامل الفرق والحساسيه الجامده بينهم
هما لما ينزلوا ويتعاملوا كأخوات مش هتبقى فى حساسيه بينهم

دى وجهه نظرى
ميرسى على الموضوع يا ميدو
هو فعلا موضوع مهم

الموضوع دة بجد مهم يابشمهندس

وانا من رايي انة مفيش مانع يتقابلوا بس للضروري مش علي الفاضي وبرضة يكون في حدود

لانة بجد لما يتقابلوا في الكنيسة احسن ما يتقابلوا برة ولو حد منعهم كدة كدة هايتقابلوا سواء برة او

جوة ويراعوا ان دي كنيسة يعني لازم يحترموها

المفروض حد يفهمهم بهدوء وينصحهم واكيد اللي بيتقابلوا دول لازم تكون علاقة رسمية بينهم لكن

غير كدة

الكلام ممكن يكتر عليهم طيب لية ودة هيشوة الكنيسة برضة

وعلي فكرة للاسف يعني انا اعرف دير مش كنيسة جنب معهد

اتحول لحاجة تانية بسبب المقابلات دي لانة بصراحة المقابلات دي زادت عن حدودها بس نشكر

ربنا منعوا المقابلات دي نهائي والدير اخد موقف

فيريت بجد المقابلات دي تكون في حدود وكلها احترام وتكون جماعية مش انفرادية

لانة في الاخر الكنيسة دي مش مكان للمقابلات

والكهنة عندنا احيانا بيفضلوا ساكتين ساكتين بس بيلقوا احيانا الحاجات دي تعدت حدودها فلازم

طبعا ياخدوا موقف

ودة رايي

انا رأيى انهم يتقابلوا عادى طالما مخطوبين
لكن غير كدة لا وغلط
او لما يكونوا فى مجموعات
يعنى شلة بنات وشلة اولاد برضة عادى

وانت بتقول لازم يشوفها الاول قبل الخطوبة
اة لازم يشوفها الاول وياخد رأيها هى
بس دى هتبقى مقابلة واحدة مش اكتر

اما عن الشباب اللى بيتسلى دة
باقولة حرام عليك كدة انت بتضيعلها سمعتها
وانت مش هاماك حاجة
انت لو بتخاف عليها بجد هتخاف على سمعتها
لان الناس بتتكلم

معروف ان الكنيسه هي دار العبادة لكن هل ده يمنع؟؟؟؟
لا ميمنعش على الاقل انهم مش هيكدبوا على بعض هناك هيخافوا من المكان

دة رأيى البسيط
وميرسى ليك يا ميدو
لانك جبت موضوع العصر دة

انا متفقه مع صخره
فى رايها
فى حدود للموضوع

الشاب يقف مع البنت اوكى
بس الاول يكون سال عنها وعرفها كويس وعرف عن شخصيتها
علشان لما يوقف معاها
يكون بس بيتاكد من اللى عرفه عنها مش لسه يدرسها
لانها لو مش عجبتوا
هيسيبها ويجى غيره يقف معاها
علشان يفهمها وهكذا
وسيرة البنت تبقى على كل لسان

فى اعتراض صغير
على حكاية ان الاتنين مخطوبين
مش كل يوم مقابلات يعنى
الكنيسه مش كازينو

وبعدين
ممكن يقابلها فى بيتها قدام اهلها
او يكلمها وربنا يخليلنا شركات الاتصالات
دول قربوا يدونا فلوس علشان نتكلم

افترضنا مثلا اتفسخت الخطوبه ومش حصل نصيب يعنى
مش هيبقى عادى يالؤلؤه زى ما بتقولى
فالخطوبه برضو مش مبرر للوقفات الكتيره

وفى حاجه تانيه
ممكن يكونوا شله ايوه
بس كل واحد قصاده واحده
وبتبقى باينه على فكره

بيت ربنا ليه احترامه
ومش يصح يكون كلام ربنا بيتقرى جوا
والشباب برا بيحب
ومش كل الشباب اللى بيكونوا برا الكنيسه
بيكونوا بيدوروا على العروسه المناسبه
اغلبهم بيتسلى وبنسمع القصص دى كتير

دا رايى المتواضع
ميرسى ميدو
موضوع بجد حساس وحلو ومهم

ميرسي يا جماعه علي المرور والردود المنطقيه

فعلا المجمل العام لرأينا كلنا واحد

ملحوظه:

ده احد الموضوعات اللي كانت مدفونه في المنتدي ياريت ندور علي الموضوعات اللي فيها مناقشه ومحتاجه أراء ونرد كده عليها تكون مواضيع حياتيه معاشه نستفيد بيها ونفيد غيرنا

اولا انا هقول رائى لونه متاخر اووووووى
كل بلد وليها نظامها
يعنى عندنا لما اتعمل النظام ده وبقى فيه اختلاط ما بين الولا والبنات
ابونا زعل والدنيا خربت
وكل ده علشان الكنيسه مكان للعباده بس
اما لو رائى الشخصى
ان الكنيسه احسن مكان يعرفوا بعض فيه
عن طريق خدمه مشتركه
وهتكون احسن من اى مكان تانى
بس لو خطوبه دبلنين وبس هيكون احسن وفى النور وكده
تقبلووووو مرورى

طيب وهو فى حد هيخطب واحده من غير ما يعرفها كويس

مهو لازم يتعرف عليها
وانا قولت قبل كدا ان الناس من بره حاجه ومن جوه حاجه تانى

هيروح يخطبها كدا علطول
جواز صالونات يعنى

يتعرف عليها فى اطار الجماعه
وبعدها يقرر ناوى على ايه