حوار حار :لو اخنرت الانسان الخطا وتزوجتة

[size=21]لو بعد الشر تزوجت الانسان الخطأ
الذى لا امل فى اصلاحة
من اخطاء شخصية
بخل /انانية / غير قادر على تحمل المسؤليه
ومش بيحمى بيته بالطريقه المطلوبه
وغير متعاون تماما
ومش طموح ...زى ما بيقولو
يا دوب كافى خيرة شرة

وبالنسبه للشاب
لو البنت اللى اتجوزتها اتخدعت فيها
وطلعت مش قد المسئوليه وبنت امها
وكل يوم والتانى عندها وطباعها مختلفه عنك تماما

وفى الموضوع اطفال ابرياء ؟؟؟؟؟؟؟؟؟؟؟
ياترى كيف تعيش هذة الزوجة وهذا الزوج؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

ما الاضرار التى ستؤلمهم وتؤلم اطفالهم ؟؟؟؟؟؟؟؟؟

كيف تحقق التوازن بين ما يطلبة اللة وبين هذا الزوج وهذه الزوجه

[size=21][size=12][/size]

[/size][/size]

الحل الوحيد هو وجود الله في بيت الأسرة

والله وحده هو القادر علي انقاذ مثل هذا الزواج من الانهيار

شكرا يا عصام بجد على ردك على موضوعى

ياريت اعرف رأى باقى اخواتى

ده اللي بنشأ عنه يا سونسون شرخ في جدار العمر

يعني بيبقي الطرفين مش طايقين بعض حتي لو عملوا اللي ما يتعمل
والواحد بعدها بيحس انه حياته انقلبت لجحيم
لكن انا من رأي ووفقا للكتاب المقدس بما انه ما جمعه الله لايفرقه انسان
يعني طالما تم الجواز خلاص خلصت
انهم عليهم انهم يتقبلوا بعض ويرضوا باللي انكتب

حتي لو كان او كانت شريكة او شريك العمر مش فيه كل الصفات اللي كانوا يحلم بيها الطرفين

بنوع من التفاهم والهدوء هيقدرو ايصلحوا حاجات كتير بس اهم حاجه وخاصتا في المواقف اللي زي دي يتطلب انه يكون هناك قدر كبير من الهدوء والحكمه في كل حاجه انا بعملها

لكن طالما مش فيه تفاهم مستحيل الطرفين هيعيشوا مع بعض

ولذلك الواحد كان المفروض يكون حريص جدا عند اختياره علشان يتحمل مسؤلية نفسه بعد كده

وبالنسبه للراجل قبل الزواج حاجه وبعد الزواج حاجه تانيه ونفس الكلام بالنسبه للمرأه يعني علي سبيل المثال البنت في بيتها بتبقي واخده حريتها وزياده طبعا من مصروف و خروج..... الخ لكن بعد الزواج بتتفاجئ بممنوع وده اللي بيجيب المشاكل
ماهيا لو كانت عاشت الممنوع والمسموح هيا وفي بيتها مكنش حصل اللي حص وهكذا بالنسبه للرجل

فيعني انا من خلال دهائي وذكائي وقوة شخصيتي اقدر اغير في شريك حياتي حاجات كتير ده لو كنت انا متقبله وعايز اكمل معاه لكن ما ينفعش بعد الجواز نجي نقول لا ده مش فيه اي حاجه من الحاجات اللي انا كنت بحلم بيها طيب امّال عملوا فترة الخطوبه ليه؟

ميرسى على ردك يا ميزو وعجبنى جداااااااااااا
بس هقولك

احيانا الواحدة او الواحد بيبقى دماغه متركبه شمال غير قابله للنصايح او التغيير
ودة اللى بيحرق الدم
انت عاوزتقول ان محاولات التغيير والتعديل لو ما نفعتش
الواحد يقول ان دة صليب ربنا باعتهولى ويرضى بالواقع وخلاص
ويكيف نفسه على الطرف التانى

هاى سناء
انا هرد عليكى عن تجربه حصلت معايا انا شخصيا وهعرفك بنفسى اسمى نسرينا اتجوزت من انسان غلط وهى غلطتى انى اخترت غلط وعندى منه طفلين لكن حياتنا كانت مستحيله وكان الافضل لعيالنا اننا ننفصل او يطلعوا اولادى عندهم حاله نفسيه
بس يا ستى فلو الموضوع منفعش يبقى نصيبنا انتهى مع بعض مش اى حد يقدر يكمل حياته كده انا عن نفسى مقدرتش .
تحياتى نسرينا

اهلا بيكى يا نسرين منورة بجد المنتدى
ياريت نستفيد بجد من بعض
انا معاكى لان كل واحد بيبان على حقيقته بعد الجواز بس فيه ناس بتبقى عندها استعداد انها تتغير عشان تسعد الطرف الاخر
وفيه ناس العكس تماما
بس لو حصل كدة الطرف دة يتحمل ويعتبر دة صليب ربنا باعتهولة ولازم يتحمل عشان الولاد
وصدقينى التحمل دة هيكون سبب بركه ليه
اتمنى تكون المناقشه بركة وفايدة لينا
منورة يا نسرين المنتدى وانا نفسى نكون اصدقاء

مشرفه عدد الرسائل : 1111 تاريخ التسجيل : 08/10/2008

ربنا يستر
الجواز المسيحى صدقونى مش محتاج كلام زى دة
لان دة رباط مقدس مستحيل ان ينحل
فربنا يسترها مع الكل

لو في حب هيبقي في تضحية ومحاولة تغير من اجل سعادة الطرف الاخر والحل الوحيد هو الصلاة من كل القلب لربنا وانا عندي ثقة انة هايسمع ويصلح الغلط
لو عندك ايمان مثل حبة خردل

ميرسى لمشاركتك يا مايكل وبجد الصلاة سلاح قوى جداااااااا
ربنا يسعدك ويفرحك دايما

ومشاركاتك هااااااايلة

انا عن نفسى هعتبرة صليبى فى الحياة
ماهو كل انسان ليه صليب فى الحياه و على حسب ما ربنا شايف انت تستحمل اد ايه
بس انا مرجحش ابدا الانفصال
واهم حاجه فى المواضيع دى الصلاه ثم الصلاه
عشان كل ما تصلى اكتر هتحس فعلا بتعزيه و الصبر

"كل الاشياء تعمل معا للخير للذين يحبون الرب"

كل الاشياء تعمل معا للخير للذين يحبون الرب

فعلا يا ايمى كلامك جميل
ميرسى ليكى يا حبى