الصداقه بين الولد والبنت !!!!

[size=21]كتير ما بنقول البنت دى صديقتى، مين الولد ده
ترد هي وتقول ده من اعز أصدقائى..

عايزين ببساطه نفهم يعنى ايه أساساَكلمة صداقة،

ويا ترى تنفع تكون بين الولد والبنت ولا لأ ..

عايزيننكون عمليين، بلاش ندافع أو نهاجم لإننا عندنا فكرة قديمة او اقتناع معين فى اىناحية من الناحيتين لكن عمرى ما قعدت مع نفسى وفكرت فى صحة الى أنا بعيشة أو الىأنا بقولة، لكن خلونا نناقش بحيادية وموضوعية وبطريقة عملية

شغل مخك معايا.......

وأعتقدناس كتير جربت الصداقة دى بين ولد وولد وبنت وبنت وبين ولد وبنت

يا ريتتشاركونا خبرتكم الحلوة...............

[/size]

انا من وجهة نظري انه ما فيش مانع انه يبقي فيه صداقه بين الولد والبنت
طالما علاقة الصداقه هذه تربطها كل مشاعر الحب والاحترام
وعندما نقول انه تربطها مشاعر الحب اني اقصد حب الاخوة ومن منظور تاني الحب هو عطاء وليس اخذ
ايه المانع مثلا انه البنت يبقي ليها صديق يخاف عليها تخاف عليه وكده

صدقوني لو بنحب بعض من منظور مسيحي وليس من منظور شهواني
المجتمع هيبقي حاله احسن بكتير

لكنني لا انكر مثل هذه العلاقات بيستخدمها الشيطان لتييسيرها في الاتجاه الخاطي
وخاصتا مع الشباب والشابات اللي بعيده عن ربنا

ولذلك نصيحه للولد والبنت

متي تفكر في انه يكون ليك صديق او صديقه
اول حاجه تدوري عليها وتتأكدي منه او منها

انه علي علاقه طيبه مع ربنا
ومواظب علي اسرار الكنيسه

وهذه وجهة نظري جايز اكون علي صواب او جايز اكون علي خطأ

ميرسي سونسون علي الموضوع
ربنا يبارك حياتكِ

ميرسى يا ميزو لمرورك وتعليقك
دى وجهة نظر حلوة
بس انا اعرف ان الصداقه يعنى اسرار هل الولد ممكن يقول كل اسراره للبنت والعكس
واذا دا حصل متهيالى يبقى تخطى الخطوط الحمراء
وتبقى مش صداقه تبقى حاجه تانيه
كمان لو الولد خطب او ارتبط بحد هل خطيبته هتقبل ان يكون ليه صديقه
فى الحاله دى يبقى فيه غلط
كلامى ينطبق على البنت كمان ا

r=green]]
شوفي يا سناء

اولا احب احيكي علي الموضوع ده

وثانيا احب ابارك للمنتدي والاعضاء علي افتتحاح القسم ده

وانا من وجهة نظري انه العلاقه بين البنت والولد مطلوبه

لانه من خلالها بيحتك الاثنين ببعض

ومن خلاها بيعرف الولد ازاي يتعامل مع البنات وكمان البنت ازاي تتعامل مع الاولاد

لانه اكيد معامله الولد وصديقه غير معامله الولد وصديقته البنت

فمن خلال اكتساب الخبره هذه في المعامله

يسهل علي الولد التعامل واختيار شريكه الحياه المناسبه له وكذلك البنات

ولكن نحزر الصداقه الفاشله التي تؤول الي الغلط كما اوضح رامز سابقا

فانا مثلا لم يكون لي صداقه في الكليه بتعتي

ولم اكون مبسوط لاني كنت احس انني غريب عن باقي الناس

وحتي الان اخاف ان اتعامل مع البنات لاني لم اجرب اسلوب التعامل معهم

ولكن هذه الايام رزقني ربنا بشويه اخوات هنا حلوين خالص بجد

وادين بتعلم اهوه الاسلوب والمناقشه معاهم

اما من جهة سؤال سناء وهي هل يصلح للشاب ان يكون له صديقه يتعامل معها وهو لديه خطيبه او العكس

صدقيني مش عارف ينفع ولا لا

بس يفضل انه يتعامل معها في هدوء واحترام تام وهتكون معاملته معها غير الاول طبعا

ده كان رأيي في الموضوع
[/size]

شكرا ليك يا ميدو على تعليقك ورأيك الجميل
الصداقه فى حدودها المحترمه حلوة قوى

عاوزة اعرف رأى البنات

مشرفه عدد الرسائل : 417 تاريخ التسجيل : 26/10/2008

تحت امرك ياقمر
بص ياستى
انا باحيي ميزو وميدو على رايهم

وباوافقهم عليه

البنت عمرها مهتعرف تتعامل صح ولا تختار صح الشخص اللى هترتبط بيه لو هى مكانش لها اصدقاء اولاد
لــــــــــــــــــــــــــــــــيــــــــــــــــــــــــــــــــــه
علشان هى اثناء تعاملها مع الاولاد دول هتعرف نفسية الولد وطبيعه تفكيرة المختلفه تماما عن البنت
ومن رايي انه يكون فيه بينهم اسرار بس طبعا كل شئ له حدود
فى حوارات طبعا تعاليمنا وتربيتنا المسيحيه بتخليها اساسا مش مطروحه للنقاش بين الولد والبنت لانه مش ده المكان الصح لمناقشتها

انا باشكر ربنا
لان ليا اكتر من صديق واخ عزيزين على قلبى جدا
باسمع رايهم وبنتناقش فى امور حياتنا ودينا وخدمتنا كتيييييييييييييييير
وبجد وجودهم فى حياتى عامل فرق
وعلاقتنا مستمرة بقالها سنين
وسبب استمرارها اننا بنبص لبعض بمحبه اخوتنا فى المسيح واننا بنحافظ على طهارتنا ونقائنا قدام كل البشر علشان نكون صوره لاعظم واحلى اب
صوره للمسيح وسط الناس

الكلام فى الموضوع ده مش ممكن يخلص
فانا هاسكت على كده
واسيب غيرى يكمل

شكرا ليك يا نانا يا قمر ورأيك جميل قوى

من رايي مفيش صداقة بين شاب وفتاة

انما هي زمالة لا اكثر لا ايه ؟ لا اكثر ..

وابقي اوضح رأيي اكثر في المرات القادمة

شكرا لردك الجميل يا ميزو

اعتفد ان الصداقه بين البنت والولد ممكن تكمل صح
بس فى اغلب الاحيان بتبداء بصداقه واخوه وهتنتهى بحب
ولو حصل وبقى فى صداقه بين البنت والولد مش هينفع يتاقبلوا فى كل وقت هو او هى محتاجه تتكلم او يتكلم معع بعض فيه
وكمان مجتمعنا بيبص للعلافه بين البنت والولد لا صداقه بل خب وكلام فاضى من وجهه نظر المجتمع
اما اللى ينفع بين الولد والبنت هى الزماله لا اكثر
وكمان ممكن تاخد رائيه او ياخد رائيها فى موضوع خاص بيها وعايزه تشوف ايه وجهه نظر الطرف التانى فى كده
وميرسي ليكى سناءوبجد موضوع هايل

نسيت حاجه
انه لو حصل ارتباط بين الولد وبنت تانى اكيد هتكون الغيره ما بين الصديقه والتانيه اللى مرتبط بيها
وكمان ماعتقدش انه ولد هيرضى انه خطيبته او حبيبته او مراته ليها صديق راجل
وميرسي ليكى مره تانيه

انا عايش ومتربي معاهم من صغري من حضانة وانا في مدرسة لغات فمكنش بيفرق معانا الاسئلة دي ولما طلعت علي الجامعة كان موضوع سهل ولما كنت في الكنيسة كان كدة برضو
فالبتالي عمري مافكرت في السوال لانة امر طبيعي جدا
بس انا ليا راي غريب او يمكن عن تجربة في بنات جدعة جدا بحب اتعامل معاها تكون صديقتي مثلا او انتيمة ليا بتكون اصدق واجدع مليون مرة من صحبي الولد ليه؟؟ لان الولد كتير بيغير مني بيحقد عليا ساعات ميحبنيش اكون احسن منة لكن البنت بتشجعني وكدة كدة لكونها انها بنت مش هتغير مني
ولاحظت الموضوع دا بجد وحقيقة مش معني كدة ان كل البنات جدعة
بس ودلوقت اتطورت الحياة اني مليش غير حبيبتي في الدنيا وهي اللي واقفة جنبي بمثابة كل شئ في حياتي

مرسيي موضوع هايل

رايي مش مختلف عن راييكم كتييييير

مدام البنت والولد بيحترموا بعض وبيعاملوا بعض كانهم اخوات وكدة

لية ميبقاش في صداقة بينهم

بس في حاجة برضة

الصداقة تكون في حدود

يعني مرة كانت في واحدة بتكلم خطيب صاحبتها علي طول وكانت بتقول انة صديقها وزي اخوها

وصاحبتها تعرف بس انا في الحكاية دي مش مقتنعة لانة دة ممكن يسبب مشاكل

موضوع مهم خالص

ميرسي ليكي ياسونسون